[img][/img]
النهاردة يوم الخميس يعنى اول مره أخرج مع خطبتى وربنا يعديها على خير
خالينى أتجوز واخلص ..........
لبست وروقت نفسى كويس بنطلون وقميص قلت مفيش داعى البس بدلة تبقى
هى لبسه بنطلون وتشرت وانا البس بدله مش ينفع وبعدين الايام دة البدل مش بتمشى
خليك اسبور ......
وبالطبع رحت اشترى جاتوة علشان يبقى عتدى ذوق أختى قالتلى اوعه تروح عند خطبتك
وايدك فاضيه عيب هيقولوا عليك بخيل ...
رنيت الجرس فتح اخوها الباب وكشر فى وشى على العموم لقتها جريت على الباب
وقالت اتفضل ودخلت حجرة الصالون ( الضيوف ) وبعد شويه دخل أبوها وسلم على
أزيك يا استاذ وعامل ايه والله يابنى ادوات المطبخ والمفروشات غاليه نار دة حتى
القطن مولع وبدأ يتكلم على الظروف ومشاكل الاولاد.............الخ
انا سرحت افتكرت الجوازة السابقه الى فشلت علشان المراتب ... قلت اة ده ذنب
وبيخلص فيه .. انا فسخت الخطوبة السابقه علشان ابوها قال هات المراتب ....
دلوقتى باين على اشيل كله مش مشكل انا عايز اتجوز واخلص..
قلتله شوف ياعمى الى أنتا تقدر تجهزة هاته ومش تشيل هم ...... راح رد وقال الله يخليك والله الناس كلها بتشكر فيك .............
لبست خطيبتى وخرجنا ................
يعنى كنت ماشى بعيد عنها شويه يعنى الزق فيها ....لقيتها بتقولى ايه ياحبيبى انت
ماشى بعيد عنى ليه تعالى وراحت مسكت ايدى .... انا جسمى مسكت فيه الرعشه
اول مرة بنت تقول ياحبيبى وكمان تمسك وتشبك ايدها فى يدى ......
بالصراحه مش اكدب عليكم مش كنت شايف حاجه أمامى منسجم خالص .....
دة أول مرة فى حياتى أمسك يد بنت ..............
مش قادر اوصف احساسى وانا ماسك ايدها ايه ... ياه وهو انا اعمل ايه لما اتجوزها
دة الجواز دة نعمه من ربنا فعلا كفايه انه بيصون الآنسان سبحان الله
وبدأت حبيبتى تهمس فى أذنى كلام عذب بقيت مش عارف أقول ايه ......
ياة ايه السعادة دة الى أنا فيها .......
قالت هنروح فين ياحبيبى ..... اى مكان انتى عايزة تروحية قالت نروح كافى
علشان أصحابى هناك....
سألتها صحابك بنات قالت اة بنات واولاد ..... وبيعملوا ايه فى الكافى ....
بنسمع موسيقى وأغانى ونشيش .....
يعنى ايه نشيش ضحكت وقالت ياحبيبى نشيش يعن نشرب شيشه .......
بصراحه صعقت ...وأنتى بتشيشى .. قالت اة كل الشلة ..............
وقلت فى نفسى ايه الوقعه الطين دة ...
دة بتشيش يعنى اجيب ليها فى البيت شيشه دة انا مش بشرب حتى دخان
تبقى مراتى تشرب شيشه ...
وبعدين هى عايشه فى الدور خالص كانها بنت هاى ...
دة ابوها مش لاقى يجهزها و هى تشيش..... ربك والحق سكت ....
دخلنا الكفى وسلمت على أصدقائها ..... وقالت دة خطيبى
سلموا على وقالوا مبروك الف مبروك واحنا زعلنين من نانى علشان مش عزمتنا
على الخطوبه .....
قلت مين نانى دة ... دة اسمها فاطمه ....يمكن دة اسم الدلع .......
على العموم قضينا وقت ومشينا ...
واحنا مروحين لقتها بتقول ...انا عايزة اقولك حاجة بس مش تزعل.....
لا وازعل ليه.... بص ياحبيبى .....
البنطلون الى انتا لبسه دة قماش ...لا اناعايزاك تلبس جينز وتشرت ...
وتروح ياحبيبى للكوافير يعملك نيو لوك وحمام زيت عل شعرك وتحط جيل
معلش مش تزعل منى .......
سرحت فى الكلام وسكت ولكننى متحفز......
وروحتها البيت عندهم وطلعت معها .... وقلتلها انا عايز اكلمك ....وجلست ..
قلتلها شوف بقى ...
انا مش اروح للحلاق ولا ابس بنطلون جينز ولا اضع جيل عل راسى ولا اعمل
نيو لوك ...
ايه دة دة أنتى بنت تافهه .... بدل ما تنظرى لى من الداخل وتقولى دة انسان محترم
وعندة قيم ومبادى وراجل وهودة الى انا احس بالامان معه .......
تنظرى للشكل وتقولى نيو لوك وكوافير.......
لالالا الخطوبه انفسخت ..... وبالطبع سمعت امها الحوار ودخلت على الفور
وقالت مالك ياأستاذ استهدى بالله معلش دة عقل بنات لسه صغير ة
قلتلها ... لا....كل واحد يروح لحالة ....
فردت الام وقالت خلاص يا أستاذ مش ليك شبكه عندنا ... قلتليها خديها مش عايز حاجه ومشيت ......
وقررت الغاء فكرةالجواز ...
وقلت لما ربنا يأذن ليه أبقى اتجوز
هو انا مستعجل ليه دة جواز....................
هو انا كدة مالى وحش ... زى الفل .....
ورفعت لافته على باب شقتى ........ كتبت عليها
انا مش أتجوز وسمعت نصيحه المتزوجين قبلى
والى حكايه أخرى.............
أمجد
الأربعاء 27 أغسطس - 4:11 من طرف مشاري الأستشاري
» دعوه الى موقع الشعراء
الخميس 15 مايو - 21:33 من طرف امجد نجم
» نزيف الروح ....
الخميس 23 يناير - 18:52 من طرف مها سلطان
» همسة ....
الخميس 23 يناير - 18:12 من طرف مها سلطان
» التسامح ....
الخميس 23 يناير - 17:08 من طرف مها سلطان
» يااااااااااااااااااااااااااااااااالله .... إليك ألتجأ
الخميس 23 يناير - 17:03 من طرف مها سلطان
» الأحلام....
الخميس 23 يناير - 16:50 من طرف مها سلطان
» مابين ... الحنين والإشتياق
الخميس 23 يناير - 16:46 من طرف مها سلطان
» مابين ... طباع البشر .. وأفعالهم
الخميس 23 يناير - 16:36 من طرف مها سلطان