mms
من طرف [img]
[/img] النهاردة مش زى اى يوم انا النهاردة رايح اخطب خلاص ابقى عريس
صحيح دة العروسة رقم عشرة بس مش ذنبى كان بيحصل خلافات ومش
تتم الجوازة مش عارف لية .
يعنى من ضمن المشاكل جوازة وقفت على المراتب صحيح حاجه تافهة
بس اعمل اية دماغى وقفت على كدة.
وعروسة ثانية كانت فى المدرسة معايه مدرسه تربية رياضيه بس كانت شخصيتها
قويه وعايزة تسيطر على زى ما تقول كدة كانت بتعاملنى زى طالب عندها
المهم انا اصابنى عقدة فى الجواز الناس كلها بتتجوز من اول مرة الاانا نحس مش عارف لية
مرة اقعد افكر هو ايه السبب هو انا فية ايه وحش ولا يمكن مش بعرف اتعامل مع الناس
رغم فى شغلى الناس كلها بتحبنى وعمرى ما عملت مشكلة فى الشغل....
فين المشكلة يمكن علشان انا مش اجتماعى ومؤدب زيادة عن اللزوم طيب انا اعمل ايه
والله مش لية ذنب فى كدة مشكلتى انى مش اتربيت طبيعى لية امى وابويا ماتوا وانا عمرى
عشر سنوات ورحت عند اخواتى وبعد كدة زهقت ورجعت البيت عشت لوحدى فية
وربنا يكفيكم اليتم بيبقى الواحد منكسر وخجول ودمعتة قريبة جدا وحساس هى دة
بعض ملامح اليتيم .......
كل الشباب فى سنى كان بيحب ويصاحب فتيات الا انا مش بعرف أقول كلمتين على بعض
مش بعرف اتكلم مع بنت ....
دة حتى واحد صديقى قالى سيب نفسك خالص وانا اعلمك ازى تتكلم قولت حاضر
قلى النهارة انا قولت لصديقتى تجيب معها صديقتها فرحت خالص اول مرة هتعرف على بنت
وخرجنا وهومشى مع صديقته وانا مشيت مع صحبتها انى اقول حاجة ابدا زى ما اكون
اخرس البنت زهقت منى وقالت اية ياسيدى هو انا مشيا مع اخرس وسبتنى ومشيت
بصراحة انا فرحت وقلت احسن بلاش دة حتى دمها ثقيل ......
وبصراحة العيب كان فى انا مش هى .......
سيبك من كل دة النهاردة انا حاسس انى ربنا هيوفقنى فى العروسه دة بتاعه النهاردة
صحيح هى مش فيها لمحة جمال بس انا شفتها كانت بتزور اخت صاحبى هى محترمه
وباين عليها طيبة وجمال اية وحلوة اية المهم تكون مقبولة وتحافظ على بيتها
هو يعنى اروح لوحدة جميلة وتوخنى وراها بجما لها ........
المهم قلت لااختى وراحت شفتها وقالت ناس طيبين والبنت ياخويا تعيش...فرحت
وقلت هى ان شاء الله
رن الموبايل لقيتى صاحبى قال نصف ساعة وجايلك بالعربية روق نفسك ...
قلتله ماشى اوعة تتاخر .....
شغلت اغنية النهر الخالد بتاعة عبدالوهاب وأخد دوش ولبست ... كانت اختى حبيبتى
وصلت هى الوحيدة من دون اخواتى الاربعة شيله همى وزهقت منى خالص.....
بس كانت تقولى اسيبك لمين كل اخواتك عاشوا فى خير ابوك ...انت ياحبيبى
مش لحقت حاجة انت ابنى مش اخوية كنت بحبها قوى رغم انها اكبر منى بخمس سنوات
بس كنت بعتبرها امى
وصل صاحبى بالسيارة وطلع البيت عندى ......
قالى ايه دة الى انتى بتسمعة قولتة دة عبد الوهاب .... قال ياعم حرام عليك واحد رايح يخطب يسمع عبد الوهاب ياعم شغل حاجه فريحى شغل سعد الصغير او اغانى افراح
اية الفقر بتاعك دة من اولها ......
المهم نزلنا اناوهوواختى رايحين للعروسة.....
واحنا ماشين اختى قالت استنة انزل هات جاتوة دستتين وعلبة حلوى ......
قلت مش كتيرياأختى راحت سكتت روحت نزلت علشان مش تزعل ....
ورحنا للعروسة ودخلنا حجرة الصالون لقيت ناس كتير خمس رجالة سلمت
عليهم وقالوا اتفضلوا اهلا وسهلا
اختى اتكلمت وقالت ياحج احنا بنطلب ايد بنتك لااخوية ....رد.... دة احنا نجهزها ونوديها لحد البيت دةاخوكى الكل بيشكرفية ونعمة التربية والادب ..... بصراحة ضحكت على
الكلمة دة راحت اختى قرصتنى من رجلى على فكرة اختى كانت موصيانى انى مش اتكلم
عليك تسمع وتقول حاضروتبتسم مش تكشر اعمل اية مغلوب على امرى .....
اناعايز اخلص واتجوز اكبر مشكله فى حياتى زهقت ........
اختى قالت ايوة ياحج طلباتكم اية لاقيت الراجل بيقول طلبات يامدام الى انتم مش تقدروا
عليةانا اجيبة .... فرحت قوى وقلت البداية خير....
وبعد شويه دخلت العروسه بالشربات ودة بيبقى اصعب موقف بالنسبه ليه.... وجهى احمر
وعرقت حتى ابوها لاحظ وقالى يااستاذ الجو حار وانتا لابس بدلة كامله ....
ابتسمت زى ما اختى قلتلى ودخلت العروسة وكانت الصدمة لى
الله مش هى دة الى انا شفتها المهم اختى لاحظت وقالت فى حاجة ياخوية....
قولتلها اسكتى انتى لما اشوف ايةالحكاية دة .........
وقلت ايوة ياعم الحج مش هى دة امل ....الراجل قلى اية يااستاذ الله هوانتى يعنى لا مؤاخذة
نظرك ضعيف ....لا ابدا اصلى شكلها اتغير ....ههههههههههههههه
يااستاذ ما انتى عارف البنات هو الكوافبر خلى حاجة.....قلت اةةةةةةةةةةةة كوافير
دة انا لماشفتها كانت لبسة عبايه وشبشب عادية يعنى ...
دلوقتى لبسه فستان سواريه ومركبه رموش وحسنة على خدها اليمين الله وعيناها كانت
سوداء اللون اصبحت زرقاء وكانت قمحيه اللون بقت بيضاء اية كل دة.... وكمان بتدلع
اختى لاحظت راحت قالت نقرأ الفاتحة ياحج .... قلت امين بالصراحة خفت من اختى
ولقيت عم الحج بيقول تيجى وتشرف فى وقت...... قلت كترالف خيرك......
انا احضر يوم الخميس كفاية يوم واحد فى الاسبوع السلام عليكم ومشيت انا واختى وصحبى
راحت اختى قالت فى اية كل البنات كدة انتا اية ...اتغير بقى
قلتلها يااختى انا حبتها علشان طبيعية مش حبيت دة المعدل... قالت اسكت اتغير بقى...
انت اية مش زهقت قلتلها والله زهقت وعايز اخلص قالت خالص هما ست شهور وتدخل
لاانى انا تعبت منك وراحت بكت وقالت اعملك اية انامش فاضية انا عندى بيت واولاد
ومشاكل انا عايزة اطمئن عليك .........
روحت وجلست ابكى بكاءا لم ابكة من قبل...
مش عارف لية بكيت ..... حسيت انى عاله على اختى ....وقلت يارب......
انت ليةخلقتنى ..... لية موت ابوية وامى كنت سيبهم شوية لما اكبر ......
لية خلتنى مؤدب مش فهلوى زى الناس......اصبحت الاخلاق الحميدة صفة يعاب بها المرء
اصبح الصدق والاخلاص جريمه يحاسب عليها الانسان ........
تحولت الرذيله الى شيئا يألفة الناس ...
لية مش اكون كداب وغشاش واستغلالى ومصلحتى اولا .... لية مش اقول على الوحش حلو.. لية اعمل المعروف فى انسان ثم ينكرة ما اقول وانامالى زى بعض الناس .....
هو انا يعنى هصلح الكون...هو انا مصلح ولانبى انا مالى....نفسى .....نفسى .... الاول....
واخذت ابكى لية مش عارف.......
وسعت صوتا لا ادرى من اين جاء ..........يقول
اأنت افضل من الانبياء والصالحين .........من انت لتقول هذا الكلام مع ربك
انت افضل من سيدنا ايوب الذى ابتلاة الله بالمرض طيله حياته........
ام افضل من يوسف الذى روميى به فى الجب........اومحمد صلى الله عليه وسلم ....
الذى ولد ولم يرى اباة ولا أمه.........................
ياأخى ان الدنيا سجن المؤمن وجنه الكافر......
الدنيا دارالبلاء وليس دارالمقام ......استغفر ربك انه غفور رحيم
انه اسجد الملائكة لادم عايز اية اكترمن كدة ..استغفر ربك انه غفور رحيم...
ففتحت عينى وقلت لمن الجأ الا لك يارب سامحنى وكيف لا تسامح وانت الغفور الرحيم
يارب لمين اشتكى لا صاحب ولا ونيس غيرك ..... راضى بحكمك وبقضائك.....
نعم المولى ونعم النصير
والى موقف أخر أمجد
» دعوه الى موقع الشعراء
» نزيف الروح ....
» همسة ....
» التسامح ....
» يااااااااااااااااااااااااااااااااالله .... إليك ألتجأ
» الأحلام....
» مابين ... الحنين والإشتياق
» مابين ... طباع البشر .. وأفعالهم