[img][/img]
تنفست شهيقا عميقا كاد ان يقضى على .
واخرجت مفتاح شقتى من جيبى وانا انظر الى شقتى ولسان حالى يقول امتى ربنا يكرمنا
واطفش من الشقة دة ... انا اسكن فى الدور الاول يعنى الدور الارضى كما نطلق علية
لا تدخلها الشمش الا فى الصيف اما باقى السنة فهى كالمقبرة تتكون من ثلات غرف متوسطة المساحة ....... حجرة بها سرير ودولاب ومرايا علشان اشوف وشى كل يوم
الى انا زهقت منة ....وحجرة ثانية بها كتب ومكتب صغير ولا يوجد بها اى اثاث عبارة
عن وسائد ملقاة على الارض كدة احسن انا برتاح كدة وتسبب لى هدوء ..
اما الكتب فحدث ولا حرج عندى مكتبة تضم الكثر من ثلاثمائة كتاب فى شتئ المجالات
واصحابى يلوموننى على ذلك ويقولون الكتب دة انت مضيع فلوسك عليها سبب وقف
حالك انتا عاملى فيها مثقف انتا عامل زى محمد صبحى فى دورة فى فلم الكرنك
وساعات بصدق الكلام دة ويحدث عندى احباط بس ارجع واقول العلم بالاشياء افضل
بكثير من الجهل اعمل اية انا بحب اقرأ واتعلم لان الكتاب خيرجليس
عنى ما اتجوزت انا عايز واحدة تكون زى ليها دماغ ليها راى مش هايفة كل همها
تلبس وتنم وتكلم على الناس ومنظر اما عقل وتفكير فهى محرومة من ذلك
لالالالا خلينى كدة احسن اما الحجرة الثالثة فهى حجرة الضيوف فيها انترية احنا المصريين بنسمية انترية اسيوطى ومش عارف لية اسمية اسيوطى انا بحثت فى الاسم فلم اصل
لشيئ.... على العموم هو دة حالى
اما عملى موفق فية بشتغل خوجة يعنى مدرس وكل زملائى بيحبونى
بس المشكلة علشان انا مش متجوز فاانا مطمع كل واحدة ترسم على للزواج ولما تزهق
منى وتعرف انى مفيش فايدة تمشى وتطلع اشاعة على وتقول دة امجد مجنون عايز يتزوج واحدة مش موجودة الا فى خيالة ...... ربنا يسامحهم
وكنت انا بقولهم انا هتجوز من العين الحورفى الجنة ان شاء اللة ...فيضحكوا ويقولوا اية الجنان دة هو انت عارف ه تدخل الجنة ولا ...لا
معلش طولت عليكم ....
المهم فتحت الشقة ودخلت وافتكرت انى نسيت احضر معى عشاء وبالطبع الثلاجة ابيض
مفهاش حاجة مليئة بزجاجات المياة اصلى المية بتقطع عندى كتير.....
قلت استريح شوية واروح اجيب بيض وجبنة
ورحت المطبخ علشان اعمل فنجان قهوة فوجد العلبة فارغة حتى نسيت اجيب قوة ....
اية الفقر بتاعى دة
لا .. لازم اخرج وفتحت باب الشقة وانا خارج اجيب طلباتى
اذا بصوت صريخ وعويل واحدة بتقول يالهووووووووووو قلت مين دة
لقتها الست الى سكنة فوقى فى الدور الثانى ام كهربة وكهربة دة ابنها دة لقبة اما أسمة محمود
ولكن علشان والدة كهربائى بيدلعوة باسم كهربة .....
نظرت الى ام كهربة لقتها بملابس النوم ونزلة تصرخ وتقول الحقنى يااستاذ الحقنى جوزى
عاوز يذبحنى ودفعت باب شقتى ودخلت وانا انظر فى ذهول لما يحدث
اية دة... هو فى اية...... ولنا بقية...
الأربعاء 27 أغسطس - 4:11 من طرف مشاري الأستشاري
» دعوه الى موقع الشعراء
الخميس 15 مايو - 21:33 من طرف امجد نجم
» نزيف الروح ....
الخميس 23 يناير - 18:52 من طرف مها سلطان
» همسة ....
الخميس 23 يناير - 18:12 من طرف مها سلطان
» التسامح ....
الخميس 23 يناير - 17:08 من طرف مها سلطان
» يااااااااااااااااااااااااااااااااالله .... إليك ألتجأ
الخميس 23 يناير - 17:03 من طرف مها سلطان
» الأحلام....
الخميس 23 يناير - 16:50 من طرف مها سلطان
» مابين ... الحنين والإشتياق
الخميس 23 يناير - 16:46 من طرف مها سلطان
» مابين ... طباع البشر .. وأفعالهم
الخميس 23 يناير - 16:36 من طرف مها سلطان