mms
من طرف اه ياقلبى عليكى يابلدى
مين هيلم جراحك ياحبيبتى
كل يوم الجرح ينداس ياقلبى
ينزف دم وياخوفى من المستخبى
وبعدهالك يازمن نشف دمعى
عالولد اللى ف عمر الورد ياقلبى
متقولش ان شبابنا يهون علينا
بيد مصرى مهما كان المسمى
عسكر والا مجلس والاحتى بلطجى
طول عمرنا بنحب والله بعضنا
ايه اللى جرى يازمانى قوللى
ايه بس اللى جرالك يابلدى
الشباب ياولداه انفطر عليكى
واقف ليل نهار يحميكى
كل يوم كارثه جديده ف حواريكى
فى ميادينك واخيرا ف نواديكى
ولسه ياحبيبتى ياللى الزمان جار عليكى
خايفه الامان ينسحب من تحت رجليكى
ويسكن الخراب مدنك ونواحيكى
يامصر قومى من غفوتك قلبى وجعنى عليكى
كل الصور اتلونت بدم ولادك وكله حب لنور عنيكى
امتى هترجعى زى الاول نجرى ونلعب ف روابيكى
تعبنا يامصر ياغنوة كل عصر واتقهرنا عليكى
الحكايه مش كلاام ولاصور حداد تلات تيام عليكى
الحكايه من البدايه ولسه ملهاش نهايه بناديكى
مستعدين بالروح والولد بس انتى مدى ايديكى
الدنيا ضلمه ومش شايفه خطوتى ياااااااااااقلبى عليكى
» دعوه الى موقع الشعراء
» نزيف الروح ....
» همسة ....
» التسامح ....
» يااااااااااااااااااااااااااااااااالله .... إليك ألتجأ
» الأحلام....
» مابين ... الحنين والإشتياق
» مابين ... طباع البشر .. وأفعالهم